امریکی خفیہ ایجنسی سی آئی اے کے سربراہ بھی ٹرمپ کی زبان بولنے لگے

https://goo.gl/i668XQ
واشنگٹن: امریکی خفیہ ایجنسی سی آئی اے کے سربراہ مائیک پومپیو نے کہا ہے کہ پاکستان ان دہشت گردوں کو پناہ فراہم کر رہا ہے جو امریکا اور دنیا بھر کے امن کے لیے خطرہ ہیں.

ان خیالات کا اظہار انہوں نے معروف ٹاک شو ’فیس دی نیشن‘ میں بات کرتے ہوئے کیا، سربراہ سی آئی اے نے صدر ڈونلڈ ٹرمپ کا موقف دہراتے ہوئے پاکستان پر بے بنیاد الزام عائد کرتے ہوئے کہا کہ پاکستان کی جانب سے دہشت گرد تنظیموں کو جائے پناہ کی فراہمی ناقابل قبول ہے.

ایک سوال کے جواب میں امریکی خفیہ ایجنسی کے سربراہ مائیک پومپیو کا کہنا تھا کہ پاکستان کی جانب سے دہشت گردوں کو محفوظ پناہ گاہیں فراہم کرنے کی وجہ سے ہی سیکیورٹی کی مد میں دی جانے والی 2 ارب ڈالر کی امداد معطل کی ہے اور پابندیوں کا سلسلہ طوالت بھی اختیار کرسکتا ہے.

انہوں نے پاکستان سے حالات خوشگوار ہونے سے متعلق پوچھے گئے سوالوں کے جوابات دیتے ہوئے کہنا تھا کہ اگر پاکستان نے اپنے مسائل پرقابو پالیا اور جن تحفظات کی جانب نشاندہی کی گئی ہے اسے دور کردیا گیا توپاکستان کے ساتھ دوبارہ کام کرنے میں خوشی ہوگی.

امریکی خفیہ ایجنسی سی آئی اے کے سربراہ نے مزید کہا کہ اگر پاکستان نے دہشت گردوں کے خلاف کارروائی نہ کی تو امریکا اپنا تحفظ کرنا جانتے ہیں.

خیال رہے پاکستان نے امریکی الزمات کی سخت زبان میں مسترد کرتے ہوئے موقف اختیار کیا تھا کہ دہشت گردی کے خلاف جنگ میں پاکستان نے بے پناہ جانی و مالی قربانیاں دی ہیں اور اس کے عوض وہ عالمی طور پر امداد نہیں بلکہ قربانیوں کو تسلیم کیے جانے کا خواہاں ہے.
Urdu Khabrain
Pakistan World News, Pakistani News, Top World News, Urdu Khabrain, Urdu News, Viral World News, World Khabrain, World News, World Urdu News, آئی, امریکی, انٹرنیشنل, ایجنسی, اے, بولنے, بھی, خفیہ, زبان, سربراہ, سی, لگے, ٹرمپ, کی, کے