جنوبی افریقا کے صدر جیکب زوما نے عہدے سے استعفیٰ دے دیا

https://goo.gl/2VznQA
جنوبی افریقا کے صدر جیکب زوما نے کرپشن الزامات کے بعد پارٹی کے شدید دباؤ پر عہدے سے استعفیٰ دے دیا۔

افریقن نیشنل کانگریس پارٹی سے تعلق رکھنے والے صدر جیکب زوما مطمئن انداز میں میڈیا کے سامنے آئے اور اپنے استعفیٰ کا اعلان کیا۔

جیکب زوما نے کہا کہ ان کی جماعت کی ایگزیکٹو کمیٹی میں تقسیم اور غم وغصے نے انہیں صدارت سے استعفیٰ دینے پر مجبور کیا جس کے بعد فیصلہ کیا کہ عہدے سے استعفیٰ دے دوں۔

انہوں نے کہا کہ میں پارٹی قیادت کے فیصلے سے اتفاق نہیں کرتا، جس جماعت کے ساتھ عمر بھر وابستہ رہا اور ہمیشہ اصولوں کا پابند رہا، اس کے ساتھ آئندہ بھی رہ کر جنوبی افریقا کے عوام کی خدمت کرتا رہوں گا۔

خیال رہے کہ حکمراں جماعت کے سربراہ سرل رامافوسا نے 13 فروری کو صدر زوما کی رہائشگاہ پر طویل ملاقات کی تھی جس کے بعد پارٹی کی ایگزیکٹو کمیٹی کی جانب سے انہیں عہدہ چھوڑنے کے لئے دو روز کی مہلت دی گئی تھی۔

جیکب زوما 2009 میں مسند اقتدار سنبھالنے کے بعد دو مرتبہ منتخب ہوئے جن کی صدارت کی مدت آئندہ سال مکمل ہونا تھی۔
Urdu Khabrain
Pakistan World News, Pakistani News, Top World News, Urdu Khabrain, Urdu News, Viral World News, World Khabrain, World News, World Urdu News, انٹرنیشنل