اسلام آباد : اے ٹی ایم توڑکر رقم لوٹنے والے دو ملزمان گرفتار

https://goo.gl/3KvzWU
اسلام آباد / اٹک : اسلام آباد میں ڈاکو بینک کی اے ٹی ایم خالی کر گئے، پولیس نے ملزمان کو گرفتار کرلیا، سی سی ٹی ٹی وی کیمرے کا ریکارڈ بھی ساتھ لے گئے تھے، اٹک میں اے ٹی ایم توڑنے کی کوشش ناکام بنا دی گئی۔

تفصیلات کے مطابق ملک کے پہلے سیف سٹی اسلام آباد میں ڈاکؤوں نے اے ٹی ایم لوٹ لی، ڈاکو سیکٹر ایس6میں واقع نجی بینک کے اے ٹی ایم روم کی چھت سے اندر داخل ہوئے اور اے ٹی ایم کھول کر54لاکھ روپے لے اڑے۔

ملزمان جاتے ہوئے سی سی ٹی وی ریکارڈ بھی ساتھ لے گئے تھے، پولیس کو سی سی ٹی وی ریکارڈ جنگل سے پڑا ہوا ملا، ڈکیتی کی جیو فینسنگ کر کے پولیس نے دونوں ڈاکوؤں کو گرفتار کرکے رقم برآمد کرلی، ملزمان نے رقم بھی گھر میں چھپا رکھی تھی۔

دوسری جانب اٹک کے علاقے پنڈی گھیپ میں اے ٹی ایم توڑنے کی کوشش ناکام بنا دی گئی، سکیورٹی گارڈ کی بروقت کارروائی کے باعث ڈاکو لوٹ مار کیے بغیر فائرنگ کرتے ہوئے فرار ہونے میں کامیاب ہوگئے۔

رات گئے مسلح ڈاکو نجی بینک کی اے ٹی ایم توڑنے کے لیے پہنچے تو سکیورٹی گارڈ نے بہادری سے ڈاکوؤں کو للکارا اور ان پر گولیاں چلادیں۔

دوطرفہ فائرنگ سے بینک کا مرکزی دروازہ ٹوٹ گیا، اطلاع ملتے ہی پنڈی گھیب پولیس اور کرائم سین یونٹ موقع پر پہنچ گئے جس کے بعد ڈاکو بھاگ نکلے۔
Urdu Khabrain
Breaking Pakistani News, Daily Pakistan News, Online Pakistani News, Pakistan latest News, Pakistan News, Pakistan Urdu News, Pakistani Khabrain, Top Pakistani News, آباد, اسلام, ایم, اے, توڑکر, دو, رقم, لوٹنے, ملزمان, والے, ٹی, پاکستان, گرفتار