ٹکٹ تو سارے بِک گئے مگر سٹیڈیم کیوں خالی ہے؟ نجم سیٹھی نے خطاب کے دوران حیران کن وجہ بتا دی

https://goo.gl/7xedEC
لاہور (نیوزڈیسک )پاکستان سپر لیگ سیزن تھری کی رنگا رنگ افتتاحی تقریب دبئی میں جاری ہے اورکچھ ہی دیر میں افتتاحی میچ بھی کھیلا جائے گا تاہم افتتاحی تقریب سے خطاب کرتے ہوئے نجم سیٹھی نے سٹیڈیم فل نہ ہونے پر انتہائی حیران کن بات کہہ دی ۔افتتاحی تقریب سے خطاب کرتے ہوئے نجم سیٹھی نے کہا کہ آج کے ٹکٹ تو سارے بک گئے ہیںلیکن فی الحال حال فل نہیں ہوا کیونکہ دس ہزار سے زائد لوگ باہر کھڑے ہیں اور ٹریفک جام کی وجہ سے آہستہ آہستہ آ رہے ہیں امید ہے کہ وہ میچ شروع ہونے سے پہلے سٹیڈیم میں داخل ہو جائیں گے ۔پی سی بی چیر مین نجم سیٹھی جب سٹیج پرآئے تو شائقین کرکٹ نے ان کی کوششوں کوسراہتے ہوئے خوب داد دی ،کرکٹ کے فینز سے گفتگو میں ان کا کہنا تھا کہ اس لیگ کا فائنل کراچی میں کھیلا جائے گا،انہوں نے پی ایس ایل میں نئی شامل ہونے والی ٹیم ملتان سلطانز کو خوش آمدید کیا۔انہوں نے کہا کہ ایک سو سے زائد غیرملکی افراد پی ایس ایل تھری کے ایڈیشن کا حصہ ہیں ،پی ایس ایل پاکستانیوں کااثاثہ ہے جو سیاست سے بالاتر ہے ،قوم سے درخواست ہے کہ اس کی حفاظت کریں۔نجم سیٹھی کہتے ہیں کہ وہ وقت دور نہیں جب پی ایس ایل کا پورا ایڈیشن پاکستان میں کھیلاجائے گا۔
Urdu Khabrain