پاکستانی سرزمین پر کسی اور کی جنگ نہیں لڑ سکتے:خواجہ آصف

https://goo.gl/nQeenW
وزیر خارجہ خواجہ آصف نے کہا ہے کہ کسی اور کی جنگ پاکستانی سر زمین پر نہیں لڑ سکتے۔

ماسکو میں روسی ہم منصب کے ساتھ پریس کانفرنس کرتے ہوئے وزیر خارجہ خواجہ آصف کا کہنا تھا کہ افغانستان میں اس وقت تکلیف دہ صورتحال ہے اور وہاں داعش کے بڑھتے ہوئے اثرو رسوخ، منشیات سے دہشت گردوں کو رقوم کی فراہمی پر تشویش ہے۔

وزیر خارجہ نے کہا کہ افغانستان کے مسئلے کا فوجی حل ممکن نہیں ہے بلکہ اس مسئلے کا حل صرف مذاکرات کے ذریعے ممکن ہے۔

خواجہ آصف نے کہا کہ پاکستان نے دہشت گردی کے خلاف جنگ میں بہت زیادہ نقصان اٹھایا جب کہ عالمی امن میں روس کا اہم کردار ہے۔

انہوں نے کہا کہ داعش کے خاتمے کے لیے روس اہم کردار ادا کر رہا ہے اور پاکستان روس کے ساتھ تجارتی تعلقات بڑھانا چاہتا ہے۔

وزیر خارجہ کا کہنا تھا کہ بھارت کے ساتھ کشمیر سمیت تمام تصفیہ طلب معاملات مذاکرات کے ذریعے حل کرنا چاہتے ہیں۔
Urdu Khabrain
Breaking Pakistani News, Daily Pakistan News, Online Pakistani News, Pakistan latest News, Pakistan News, Pakistan Urdu News, Pakistani Khabrain, Top Pakistani News, آصف, اور, جنگ, سرزمین, سکتےخواجہ, لڑ, نہیں, پاکستان, پاکستانی, پر, کسی, کی