ویک اینڈ کو برباد کرنے والی ان عادات سے بچیں

https://goo.gl/yYJFMw
ہفتہ وار تعطیلات پورا ہفتہ کام کرنے کے بعد تھکان اتارنے کے لیے ہوتی ہیں۔ ان 2 (یا ایک) دنوں میں بعض لوگ آرام کر کے تھکن اتارتے ہیں جبکہ بعض لوگ اپنی پسند کی ایسی سرگرمیاں انجام دیتے ہیں جن سے وہ ذہنی و جسمانی طور پر خود کو پرسکون محسوس کرتے ہیں۔

ویک اینڈ کو اچھا گزارنا اس لیے بھی ضروری ہے کہ اگر آپ ہفتہ وار تعطیل میں اپنے جسم کو آرام نہیں پہنچائیں گے تو اس کے بعد آپ اگلا پورا ہفتہ تھکن اور سستی کا شکار رہیں گے اور کوئی بھی کام دلچسپی سے انجام نہیں دیں سکیں گے۔

دراصل کچھ عادات اور کچھ عوامل ایسے ہوتے ہیں جو ہمارا ویک اینڈ خراب کرسکتے ہیں اور خراب ویک اینڈ ہمارا آنے والا ہفتہ بھی برباد کرسکتا ہے۔ یہاں کچھ ایسی ہی عادات بتائی جارہی ہیں جن سے ویک اینڈ پر بچنا ازحد ضروری ہے۔



منصوبہ بندی کرنے کا یہ مطلب نہیں کہ آپ اپنی تعطیل کے ایک ایک منٹ کے بارے میں منصوبہ بندی کریں۔ لیکن آپ کو ایک عمومی آئیڈیا ہونا چاہیئے کہ اس ویک اینڈ پر آپ کیا کر رہے ہیں اور کون کون سے کام نمٹانے جارہے ہیں۔

اس سے آپ کے وقت کی بچت ہوگی اور بہت سے کام بھی باآسانی نمٹ جائیں گے۔



اگر آپ کے ویک اینڈ شیڈول میں گھر والوں اور اپنوں کے ساتھ وقت نہ گزارنا شامل ہے تو یقیناً آپ کی تمام مصروفیات بیکار ہیں۔ پورا ہفتہ آپ کا اور آپ کی ضروریات کا خیال رکھنے والے افراد کے ساتھ چھٹی کے دن کا کچھ وقت ضرور گزاریں۔



اگر آپ ایک پرسکون اور بہترین ویک اینڈ گزارنا چاہتے ہیں تو 2 دن کے لیے اپنے کمپیوٹر، لیپ ٹاپ اور اسمارٹ فون کو بھول جائیں یا صرف ضرورت کے وقت بہت تھوڑے وقت کے لیے استعمال کریں۔

ہر وقت فون پر دستیاب نہ رہنا آپ کے دفتر کے ساتھیوں کے لیے پیغام ہے کہ چھٹی کا دن آپ کے اپنے اور اہل خانہ کے لیے ہے۔



ویک اینڈ پر آپ دوستوں کے ساتھ وقت گزاریں یا تنہا رہیں، یہ ضروری ہے کہ آپ اس سے لطف اندوز ہوں۔ ایسی کسی سرگرمی میں شریک نہ ہوں جو آپ کو بیزاری اور تھکن کا شکار کرے۔



اگر آپ کی چھٹی تمام دن سوتے ہوئے گزرتی ہے تب بھی یہ ایک نقصان دہ عمل ہے۔ بہت زیادہ سونے سے ممکن ہے اتوار کی رات آپ کو نیند نہ آئے اور پیر کے دن جب آپ دفتر پہنچیں تو اپنے ساتھیوں کے برعکس تھکن اور غنودگی کا شکار ہوں۔

چھٹی کے دن ذرا سا اضافی سونے میں کوئی حرج نہیں لیکن اسے سونے کا دن مت بنائیں۔



پورا ہفتہ کام کر کے اور پیسہ بچا کر ایک بڑی رقم جمع کرلینا اور پھر ویک اینڈ پر اسے اڑا دینا نہایت ہی احمقانہ عمل ہے۔ ایسی سرگرمیاں انجام دیں جو آپ کی جیب پر بوجھ نہ بنیں۔



تمام ہفتہ مصروف شیڈول کے بعد چھٹی کے دن اپنے مقاصد کو از سر نو یاد کریں، دیکھیں کہ آپ اپنے مقاصد حاصل کرنے کے کتنے قریب پہنچے یا کتنی دور ہیں۔

ان مقاصد کو حاصل کرنے کے لیے نئے سرے سے حکمت عملی ترتیب دیں۔ اس کام کی فرصت یقیناً آپ کو پورا ہفتہ نہیں ملے گی۔



اگر آپ نے کام کے حوالے سے چھٹی کے دن کی کوئی کمٹمنٹ نہیں کی تو پھر چھٹی کے دن کام کے بارے میں سوچنا سخت نقصان دہ ہے۔

اپنے مقاصد پر توجہ مرکوز کرنے اور ہر وقت کام کے بارے میں سوچنے میں فرق ہے۔ محنتی بنیں، کام کے جنونی مت بنیں۔



ہوسکتا ہے آپ کو ویک اینڈ پر بہت سے ضروری کام نمٹانے ہوں لیکن آپ ان سب کو چھوڑ کر دوستوں کے ساتھ گھومنے چلے جائیں تب واپسی پر ادھورے کاموں کو دیکھ کر یقیناً آپ پچھتائیں گے۔

ہفتہ وار تعطیلات میں کام اور تفریح کے اوقات مقرر کریں اور دونوں کو ایک دوسرے پر اثر انداز نہ ہونے دیں۔



چھٹی کا دن صرف گھر کے کام کرنے یا باہر تفریح کرنے کا بھی نام نہیں۔ اس دن کے کچھ حصے میں سکون سے لیٹ کر کوئی اچھی فلم دیکھی جاسکتی ہے یا کسی کتاب کا مطالعہ کیا جاسکتا ہے۔



اتوار کی شام میں اگلے آنے والے ہفتے کی تیاری کریں۔ فہرست بنائیں کہ اگلے ہفتے آپ کو کیا کیا کام انجام دینے ہیں اور کن ٹاسکس پر کام کرنا ہے۔

یہ کام آپ کے اعتماد اور کام کے لیے دلچسپی میں اضافہ کرے گا اور آپ ایک بہترین ویک اینڈ گزارنے کے بعد ایک بھرپور اور کارآمد ہفتہ گزار سکیں گے۔
Urdu Khabrain
LifeStyle Khabrain, LifeStyle News, LifeStyle Urdu News, Pakistan LifeStyle News, Pakistani News, Urdu Khabrain, Urdu News, Viral LifeStyle News, ان, اینڈ, برباد, بچیں, سے, عادات, لائف-اسٹائل, والی, ویک, کرنے, کو