ایران کےلیےجاسوسی کےالزام میں سابق اسرائیلی وزیرگرفتار

https://is.gd/KpMgOI
تل ابیب : اسرائیلی سیکورٹی ایجنسی نے ایران کے لیے جاسوسی کے الزام میں سابق اسرائیلی وزیر گونن سگیو کو گرفتار کیا ہے۔

تفصیلات کے مطابق اسرائیلی کی سیکورٹی سروس شین بیت کا کہنا ہے کہ اسرائیل کے سابق وزیرگونن سگیو کو ایران کے لیے جاسوسی کرنے کے الزام میں گرفتار کیا گیا ہے۔

شین بیت کا کہنا ہے کہ گونن سگیو90 کی دہائی میں وزیر برائے توانائی تھے اور مبینہ طور ایرانی انٹیلیجنس ایجنسی نے انہیں اس وقت ریکروٹ کیا جب وہ نائجیریا میں تھے۔

سابق اسرائیلی وزیر کو مئی میں استوائی گنی کے دورے کے دوران حراست میں لیا گیا تھا اور اسرائیلی پولیس کی جانب سے درخواست پران کو اسرائیل بھیجا گیا۔

گونن سگیو جو پیشے کے لحاظ سے ڈاکٹرہیں، انہیں 2005ء میں منشیات کی اسمگلنگ اور جعلی سفارتی پاسپورٹ رکھنے کے جرم میں پانچ سال قید کی سزا سنائی تھی۔

خیال رہے کہ گزشتہ ہفتے یروشلم کی عدالت نے گونن سگیو پرحالت جنگ میں دشمن کی معاونت کرنے اور اسرائیل کے خلاف جاسوسی کرنے پرفرد جرم عائد کی تھی۔

واضح رہے کہ سابق اسرائیلی وزیر کے کیس کی تفصیلات کو منظرعام پر نہ لانے کا حکم گزشتہ روز ختم ہوا تھا جس کے بعد یہ تفصیلات سامنے آئی ہیں۔
Urdu Khabrain
Pakistan World News, Pakistani News, Top World News, Urdu Khabrain, Urdu News, Viral World News, World Khabrain, World News, World Urdu News, اسرائیلی, انٹرنیشنل, ایران, سابق, میں, وزیرگرفتار, کےالزام, کےلیےجاسوسی