بین الاقوامی پرواز میں بھیک مانگنے والا بھکاری کون تھا

https://is.gd/LugteA

کراچی: بین الاقوامی پرواز میں بھیک مانگنے والا بھکاری پاکستانی شہری نہیں ہے ، سول ایوی ایشن حکام نے سوشل میڈیا پر تنقید کے بعد وضاحت جاری کردی۔

تفصیلات کے مطابق گزشتہ دنوں سوشل میڈیا پروائرل ہونے والی ایک ویڈیو کے بعد پاکستانی سوشل میڈیا صارفین نے سول ایوی ایشن حکام کو سیکیورٹی انتظامات کے حوالے سے شدید تنقید کا نشانہ بنایا تھا۔

Pakistan
A beggar in a flight asking passengers to help him pic.twitter.com/2Pf62temWQ

— Adrees Malik (@masadmuzmalik) June 19, 2018

وائرل ہونے والی ویڈیو میں دیکھا جاسکتا ہے کہ ایک بھکاری کے حلیے والا شخص بین الاقوامی پرواز میں مسافروں سے بھیک مانگ رہا ہے اور جہاز کا عملہ اسے روکنے کی کوشش میں مصروف ہے۔ بھکاری کے حلیے سے غلط فہمی پیدا ہوئی کہ وہ پاکستانی شہری ہے جس کے بعد پاکستانی سوشل میڈیا صارفین نے سول ایوی ایشن پر سوال اٹھانے شروع کردیے۔

سو ل ایوی ایشن نے ویڈیو کی وضاحت کرتے ہوئے کہا ہے کہ اس ویڈیو میں موجود شخص کا پاکستان سے کوئی تعلق نہیں اور نہ ہی یہ واقعہ پاکستان کی کسی ایئر لائن میں پیش آیا ہے۔ یہ ویڈیو گزشتہ ہفتے دوحہ سے شیراز جانے والی غیر ملکی ایئر لائن کی ہے جس کی تصدیق وہاں کے کنٹری مینیجر نے بھی کی ہے۔



سوشل میڈیا صارفین سمجھ رہے تھے کہ یہ واقعہ کراچی ایئر پورٹ سے بنکاک جانے والی پرواز میں پیش آیا ہے اور بھکاری بھی پاکستانی ہے جس کی وجہ سے شہریوں میں غم و غصہ پایا جارہا تھا کہ اس غفلت کے سبب ملک کی عزت عالمی سطح پر خراب ہوئی ہے ، تاہم سول ایوی ایشن کی وضاحت سے اب یہ بات حتمی ہوگئی ہے کہ اس ویڈیو کا پاکستان سے کوئی تعلق نہیں ہے۔

Urdu Khabrain
Interesting Khabrain, Interesting News, Interesting Urdu News, Pakistan Interesting News, Pakistani News, Urdu Khabrain, Urdu News, Viral Interesting News, World Interesting News, الاقوامی, بھکاری, بھیک, بین, تھا, عجیب و غریب, مانگنے, میں, والا, پرواز, کون