سپریم کورٹ نے کاغذاتِ نامزدگی سے متعلق لاہور ہائی کورٹ کا فیصلہ معطل کردیا

https://is.gd/Y6CKKX
اسلام آباد: سپریم کورٹ نے کاغذاتِ نامزدگی میں تبدیلی سے متعلق لاہور ہائی کورٹ کا فیصلہ معطل کردیا، الیکشن کمیشن کی درخواست بھی منظور کرلی۔

تفصیلات کے مطابق چیف جسٹس آف پاکستان ثاقب نثار نے کاغذاتِ نامزدگی میں تبدیلی سے متعلق کیس کی سماعت کرتے ہوئے واضح کیا کہ انتخابات پچیس جولائی ہی کو ہوں گے۔

قبل ازیں سردار ایاز صادق اور الیکشن کمیشن نے لاہور ہائی کورٹ کے فیصلے کو سپریم کورٹ میں چیلنج کیا تھا، چیف جسٹس نے کہا کہ اگر انتخابات میں تاخیر ہوئی تو الیکشن کمیشن ذاتی طور پر ذمے دار ہوگا۔

سپریم کورٹ کے فیصلے کے بعد پاکستان میں انتخابات کے ملتوی ہونے کے سلسلے میں جن خدشات نے جنم لیا تھا اس نے دم توڑ دیا ہے، چیف جسٹس نے یقینی بنادیا کہ الیکشن 25 جولائی ہی کو ہوں گے۔

واضح رہے کہ سیاست دانوں کی جانب سے کاغذاتِ نامزدگی میں من پسند تبدیلیاں کیے جانے پر لاہورہائی کورٹ نے ان تبدیلیوں کو کالعدم قرار دے دیا تھا تاہم لاہور ہائی کورٹ کا فیصلہ ایک ایسے وقت میں آیا جب کاغذاتِ نامزدگی جمع کرائے جانے تھے جس سے الیکشن میں تاخیر کا خدشہ پیدا ہوا۔

کاغذاتِ نامزدگی میں ہونے والی تبدیلیوں میں دہری شہریت، پاسپورٹ کی تعداد کا سوال، ٹیکس ریکارڈ اور این ٹی این نمبر کا خانہ نکالا جانا شامل ہیں۔

خیال رہے کہ امیدوار کے مجرمانہ ریکارڈ کے خانے، تعلیم کتنی ہے، پیشہ کیا ہے، کس کس کی کفالت کے ذمے دار ہیں سب نکال دیا گیا، اثاثوں کی مالیت کا سوال بھی کاغذاتِ نامزدگی سے نکالا گیا ہے۔
Urdu Khabrain
Breaking Pakistani News, Daily Pakistan News, Online Pakistani News, Pakistan latest News, Pakistan News, Pakistan Urdu News, Pakistani Khabrain, Top Pakistani News, سپریم, سے, فیصلہ, لاہور, متعلق, معطل, نامزدگی, نے, پاکستان, کا, کاغذات, کردیا, کورٹ, ہائی