مشہور ترک مٹھائی بکلاوا کھانا چاہیں گے؟

https://is.gd/Y7YqGE
بکلاوا مشرق وسطیٰ اور ترکی میں کھائی جانے والی مشہور مٹھائی ہے۔ تہہ در تہہ بنائی جانے والی اس مٹھائی کو شہد کے ساتھ کھایا جاتا ہے۔

آج ہم آپ کو اسے بنانے کی ترکیب بتا رہے ہیں جس کے بعد آپ باآسانی اسے گھر پر بھی تیار کرسکیں گے۔

---

پف پیسٹری: آدھا کلو

مکھن پگھلا ہوا: 100 گرام

تیل: 1 چوتھائی کپ

پستے باریک کٹے ہوئے: آدھا پاؤ

چینی: 1 پاؤ

پانی: آدھا کپ

لیموں کا رس: 1 کھانے کا چمچ

شہد: 2 کھانے کے چمچ

---

پہلے مکھن اور تیل کو اچھی طرح ایک ساتھ ملالیں۔

اب پف پیسٹری کو چار حصوں میں کاٹ کر اسے بیلنا شروع کر دیں۔

تیل اور مکھن کے مکسچر سے ایک اوون پروف ڈش کو گریس کر لیں۔

پف پسٹری کی پہلی تہہ اس میں بچھا دیں۔

برش کی مدد سے اس کے اوپر مکھن اور تیل کی پالش کریں۔

پھر تھوڑے سے باریک کٹے پستے پھیلائیں۔

اب اس پر دوسری پف پیسٹری کی تہہ رکھیں اور باقی سارا عمل دہرائیں۔

اس طرح 4 تہیں لگالیں۔

جب تمام تہیں مکمل ہو جائیں تو اس پر چھری کی مدد سے ڈائمنڈ کی شکل میں کٹ لگائیں۔

اب اسے اوون میں 200 ڈگری پر 30 سے 35 منٹ تک بیک کر لیں یہاں تک کہ سنہرا رنگ آجائے۔

ایک کڑاہی میں چینی، آدھا کپ پانی، لیموں کا رس اور شہد شامل کر کے ہلکی آنچ پر پکالیں۔

سیرپ اچھی طرح گاڑھا ہو جائے تو اسے پیالے میں نکال کر ایک طرف رکھ دیں۔

بکلاوا تیار ہو جائے تو اسے اوون سے نکال لیں اور اس پر تیار سیرپ پھیلا کر ڈالیں۔

تھوڑا ٹھنڈا ہونے کے بعد ڈائمنڈ کی شکل میں کاٹ کے سرو کریں۔
Urdu Khabrain
Cooking Khabrain, Cooking News, Cooking Urdu News, Pakistan Cooking News, Pakistani News, Urdu Khabrain, Urdu News, Viral Cooking News, بکلاوا, ترک, فوڈ, مشہور, مٹھائی, چاہیں, کھانا, گے