گھر میں ٹماٹو کیچپ بنانے کا طریقہ سیکھیں -

https://goo.gl/414k1N
ٹماٹو کیچپ بچوں اور بڑوں کی پسندیدہ چیز ہے جو چٹ پٹے سموسوں، پکوڑوں اور فرائز کا لطف دوبالا کردیتی ہے۔

بازار سے ملنے والا کیچپ بعض اوقات ناقص، غیر معیاری اور گلے سڑے ٹماٹروں سے تیار کیا جاتا ہے۔ بہترین کیچپ صرف مشہور برانڈز کا ہوتا ہے جو ذرا سا مہنگا ہوتا ہے۔



لیکن گھبرائیے مت، آج ہم آپ کو گھر میں ہی ٹماٹو کیچپ تیار کرنے کا طریقہ بتا رہے ہیں جو نہایت آسان ہے۔

ٹماٹر ۔ سرخ اور پکے ہوئے: 2 کلو

پیاز: 250 گرام

شکر یا چینی: 4 چائے کے چمچ

سفید سرکہ: آدھا کپ

پسی ہوئی لال مرچ: 2 چائے کے چمچ

نمک: 1 چائے کا چمچ

کارن فلور: 1 چائے کا چمچ

ادرک: ایک انچ کا ٹکڑا

ٹماٹر دھو کر چار چار ٹکڑے کرلیں۔

پیاز موٹی موٹی کاٹ لیں۔

ادرک کے باریک ٹکڑے کرلیں۔

ایک تام چینی یا نان اسٹک پتیلی لے کر ٹماٹر، پیاز، ادرک، لال مرچ اور نمک ڈال کر اتنی دیر پکائیں کہ ٹماٹر گل جائیں۔



اب انہیں چمچے سے کچل لیں اور چھلنی سے چھان لیں۔

اس چھنے ہوئے سوپ کو نان اسٹک پتیلی میں ڈال کر چینی شامل کر کے 10 منٹ پکائیں۔ آنچ درمیانی رکھیں۔

اب سرکے میں کارن فلور گھول کر چمچہ چلاتے ہوئے اس سوپ میں ملالیں۔ چمچہ چلاتی رہیں، دو تین ابال آجائیں تو چولھا بند کردیں۔

ٹھنڈا ہونے پر کانچ کی بوتلوں میں بھر لیں اور فریج میں رکھیں۔

مزید سرخ رنگ لانے کے لیے ذرا سی مقدار میں کھانے کا سرخ رنگ بھی شامل کر سکتی ہیں۔

کھٹائی کم کرنے کے لیے سرکے کی مقدار کم کی جاسکتی ہے۔



گھر کا بنایا ہوا صاف ستھرا کیچپ گلے کے لیے بھی نقصان دہ نہیں لہٰذا اسے بغیر رد و کد کے استعمال کیا جاسکتا ہے۔
Urdu Khabrain
Cooking Khabrain, Cooking News, Cooking Urdu News, Pakistan Cooking News, Pakistani News, Urdu Khabrain, Urdu News, Viral Cooking News, بنانے, سیکھیں, طریقہ, فوڈ, میں, ٹماٹو, کا, کیچپ, گھر