اسسٹنٹ کمشنر کی انوکھی کارروائی، سرکاری گاڑیاں چھیننا شروع کردیں

https://is.gd/7My7tx
کراچی: اسسٹنٹ کمشنر کورنگی نجیب جمالی کی انوکھی کارروائی سامنے آگئی، ناکا لگا کر سرکاری گاڑیاں ضبط کرنا شروع کردیں۔

تفصیلات کے مطابق اسسٹنٹ کمشنر کورنگی نے الیکشن ڈیوٹی کو جواز بنا کر سرکاری ملازمین سے ان کی گاڑیاں چھیننے کا سلسلہ شروع کیا ہے۔

اسسٹنٹ کمشنر کورنگی نے انتخابات کے سلسلے میں ابھی سے قیوم آباد کے قریب ناکہ لگا کر سرکاری گاڑیاں ضبط کیں، گاڑیاں ضبط کرنے کا سلسلہ بدستور جاری ہے۔

اے سی کورنگی نجیب جمالی نے گاڑیاں ضبط کرنے کے لیے ٹریفک اور تھانہ پولیس سے مدد حاصل کی، پولیس اہل کاروں کے ہم راہ کئی گاڑیاں ضبط کرلی گئیں۔

خیال رہے کہ انتخابات کو جواز بناکر جس طرح گاڑیاں ضبط کی جا رہی ہیں اسے کسی بھی طور اچھا عمل قرار نہیں دیا جاسکتا، چلتی سڑک پر گاڑی کی چابی نکال کر عملے اور ڈرائیور کو جانے کا کہا جا رہا ہے۔

اسسٹنٹ کمشنر کورنگی نجیب جمالی نے اعتراف کرتے ہوئے کہا ہے کہ سرکاری گاڑیوں کو الیکشن ڈیوٹی کے لیے ضبط کر رہے ہیں، ان کو انتخابات میں استعمال کیا جائے گا۔

کارروائی کی کوریج روکنے کے لیے اے سی کورنگی کی جانب سے میڈیا کو دھمکی بھی دی گئی، انھوں نے صحافیوں سے کہا کہ اگر فوٹیج بنائی تو کیمرہ چھین لیا جائے گا۔
Urdu Khabrain
Breaking Pakistani News, Daily Pakistan News, Online Pakistani News, Pakistan latest News, Pakistan News, Pakistan Urdu News, Pakistani Khabrain, Top Pakistani News, اسسٹنٹ, انوکھی, سرکاری, شروع, پاکستان, چھیننا, کارروائی, کردیں, کمشنر, کی, گاڑیاں