سنجو ناقدین اور ناظرین کو بھا گئی، رنبیر اور ہیرانی پر داد کے ڈونگرے برسنے لگے

https://is.gd/Z9VTea
ممبئی: سنجے دت کی بائیو پک سنجو ریلیز ہوتے ہی فلمی ناقدین اور ناظرین کو بھا گئی۔ فلم کوشان دارعمل مل رہا ہے۔

تفصیلات کے مطابق رنبیر کپور کی فلم سنجودیکھنے والوں کو بھا گئی، فلم کو ناقدین کی جانب سے مثبت ردعمل ملا ہے، فلم کے بیش تر ابتدائی شوز ہاﺅس فل جارہے ہیں۔

”تھری ایڈیٹس“ اور” پی کے“ جیسی بلاک بسٹر فلمیں بنانے والے راج کمار ہیرانی کی اس فلم میں ممتاز اداکار سنجے دت کی زندگی کے مختلف ادوار کا احاطہ کیا گیا ہے۔

واضح رہے کہ سنجے دت کا شمار بالی وڈ کے متنازع ترین اداکاروں میں ہوتا ہے، ان کی زندگی میں لو افیئرز، ڈرگس اور اسلحہ رکھنے جیسے بڑے اسکینڈلز سامنے آئے۔

یاد رہے کہ انڈسٹری کو کئی بلاک بسٹر دینے والے سنجے دت کو جیل کی ہوا کھانی پڑی تھی۔ ایک زمانے میں یہ تصور کیا جاتا تھا کہ سنجے دت کا کیریر ختم ہوگیا، مگر وہ ہر بار پوری قوت سے لوٹ آئے۔

فلم سنجو آج 29 جولائی کو ریلیز ہوئی، معروف ہندوستانی نقاد ترن آدیش نے اسے ماسٹر پیس ٹھہرایا اور جذبات سے بھرپور ایک طاقتور فلم قرار دیتے ہوئے ہدایت کار راج کمار ہیرانی کوخوب سراہا۔

#OneWordReview…#Sanju: M-A-S-T-E-R-P-I-E-C-E.
Rating: ⭐⭐⭐⭐½
Powerful… Engaging… Emotional… Compelling… Rajkumar Hirani proves, yet again, he’s a master storyteller… This one will be a MONSTROUS HIT.

— taran adarsh (@taran_adarsh) June 29, 2018

کومل نہیتا نے بھی پہلے روز فلم کو ملنے والے ردعمل کو غیرمتوقع اور شان دار قرار دیا ہے، انڈسٹری کی معروف ہستیوں نے رنبیر کپور کی پرفارمینس کی بھی تعریف کی ہے۔

توقع کی جارہی ہے کہ فلم رنبیر کپور کو اپنا سپراسٹار کا اسٹیٹس بحال کروانے میں مددگار ثابت ہوگی۔
Urdu Khabrain
اور, برسنے, بھا, داد, رنبیر, سنجو, لگے, ناظرین, ناقدین, پر, ڈونگرے, کو, کے, گئی, ہیرانی