سینکڑوں فٹ اونچائی پر بنا دل دہلا دینے والا سوئمنگ پول

https://is.gd/gTQpFZ
آپ نے بے شمار ایسے سوئمنگ پولز دیکھے ہوں گے جو اپنے محل وقوع یا طرز تعمیر کی وجہ سے نہایت خوبصورت معلوم ہوتے ہیں، ان میں سے کچھ نہایت خطرناک انداز میں بھی تعمیر کیے جاتے ہیں۔

لیکن جس سوئمنگ پول کے بارے میں آج ہم آپ کو بتانے جا رہے ہیں اس میں تیراکی کے لیے نہایت حوصلے اور جرات کی ضرورت ہے۔

امریکی ریاست ٹیکسس کے شہر ہیوسٹن میں واقع یہ سوئمنگ پول 500 فٹ کی بلندی پر بنایا گیا ہے۔



عمارت کی 40 ویں منزل پر تعمیر کیا گیا یہ سوئمنگ پول شیشے کا ہے جس کا کچھ حصہ چھت سے باہر خلا میں معلق ہے اور اس حصے میں چہل قدمی یا تیراکی کرنا نہایت ہی دل گردے کا کام ہے۔



اس سوئمنگ پول کو اسکائے پول کا نام دیا گیا ہے جہاں جا کر ایسا ہی محسوس ہوتا ہے کہ آپ آسمان سے نیچے کا جائزہ لے رہے ہیں۔



گو کہ اس سوئمنگ پول میں تیراکی کرنا معمولی بات نہیں تاہم پھر بھی ایسے مہم جو دیوانوں کی کمی نہیں جو اس میں تیراکی کرتے ہیں۔

ایسے دل دہلا دینے والے سوئمنگ پول میں آپ تیراکی کرنا چاہیں گے؟
Urdu Khabrain
LifeStyle Khabrain, LifeStyle News, LifeStyle Urdu News, Pakistan LifeStyle News, Pakistani News, Urdu Khabrain, Urdu News, Viral LifeStyle News, اونچائی, بنا, دل, دہلا, دینے, سوئمنگ, سینکڑوں, فٹ, لائف-اسٹائل, والا, پر, پول