نوازشریف موجودہ حالات کے بڑے ذمے دار ہیں ، نثار

https://is.gd/SRnply

سابق وزیرداخلہ چوہدری نثار علی خان نے نوازشریف کو موجودہ حالات کا بڑا ذمہ دار قرار دیدیا ہے ۔

ٹیکسلا میں پریس کانفرنس سے خطاب میں چوہدری نثار نے کہا کہ کسی جیپ گروپ سے ان کا کوئی تعلق نہیں ہے، اس حوالے سے بے بنیاد پراپیگنڈہ کیا جارہا ہے۔

انہوں نے کہا کہ میں ہمیشہ پارٹی کے ساتھ کھڑا رہالیکن جو مشرف دور میں گالیاں تک دیتے تھے وہ آج ٹکٹ ہولڈرز ہیں۔

چوہدری نثار نے کہا کہ درپیش سنگین مسائل سے نمٹنے کےلئے قومی اتفاق رائے کی ضرورت ہے ،نوازشریف موجودہ حالات کے بڑے ذمہ دارے ہیں۔

ان کا کہناتھاکہ ان کا سارا فوکس چار حلقوں پر ہے،صوبائی کے بجائے قومی کردار ادا کرنا پسند کریں گے۔

چوہدری نثار نے کہا کہ نوازشریف نے ان کا اداروں سے لڑائی مول نہ لینے والا مشورہ مسترد کردیا ،میں نے پھر بی ان کا ساتھ دیا ۔

آصف زرداری سے متعلق پوچھے گئے سوال پر ان کا کہنا تھا کہ انتخابات سے قبل کسی کے خلاف جائز ایکشن بھی نہ لیا جائے اس سے انتخابات متنازعہ ہونگے۔

Urdu Khabrain