شہبازحکومت تو چلا نہیں سکے ، منشور ہی اچھا بنا لیتے، عبدالعلیم خان

https://is.gd/HAN8Jn
پاکستان تحریک انصاف کے رہنما عبدالعلیم خان  نے کہا کہ خیال تھا کہ شہباز شریف حکومت تو ڈھنگ  سے چلا نہیں سکے شاید منشور ہی مناسب پیش  کر دینگے۔

 شہباز شریف کی تقریر اور انتخابی منشور پیش کرنے پر پی ٹی آئی کے علیم خان کا رد عمل سامنے آگیا کہتے ہیں کہ عوام نمائشی منشو رنہیں کارکردگی کا حساب اور لوٹ مار کا جواب مانگ رہی ہے۔

 علیم خان کا کہنا تھا کہ جذباتی تقریر ، کھوکھلا نعرہ ، روپے پیسے پر چلنے والی انتخابی مہم شریفوں کو انجام سے نہیں بچا سکتی ، شہباز شریف کا نامہ اعمال صاف پانی ، سستے تندوروں جیسی سیاہ کاریوں سے بھرا پڑا ہے۔

 رہنما پی ٹی آئی کا کہنا تھا کہ سابق وزیر اعلیٰ پنجاب کی تقریر میں ’ یہ کریں گے‘ اور ’وہ ہونا چاہیے‘ کے علاوہ کچھ بھی ڈھنگ کا سننے کو نہیں ملتا ، چھوٹے میاں صاحب عوام سادہ ضرور ہیں مگر بے وقوف ہر گز نہیں ہیں۔

 علیم خان کا مزید کہنا تھا کہ پنجاب کے وسائل اورادارے تباہ کرنے کے بعد آپ سمجھتے ہیں کہ قوم آپ کے لیکچرز سننا چاہتی ہے ، ان کی دس سالہ کارکردگی جی پی او چوک کے 50 فٹ گڑھے میں دفن ہوگئی ہے اور اب تو صرف فواد حسن فواد کی زبان کھلنے کی دیر ہے جس کے بعد مزید کارکردگی قوم کے سامنے آئے گی۔
Urdu Khabrain