فہد مصطفی نئی فلم ’’لوڈ ویڈنگ‘‘میں کاسٹ

https://goo.gl/cfWs6X
لاہور(فلم رپورٹر) معروف ہدایت کار نبیل قریشی نے اداکار فہد مصطفٰی کو ایک اور فلم ’لوڈ ویڈنگ‘ میں کاسٹ کرلیا۔تفصیلات کے مطابق فلم کا نام ’لوڈ ویڈنگ‘ رکھا گیا ہے جس میں فہد مصطفی کے مدمقابل مہوش حیات اداکاری کے جوہر دکھائیں گی جب کہ فلم میں ثمینہ پیرزادہ بھی منفرد کردار میں نظر آئیں گی۔فلم کا سکرپٹ بھی نبیل قریشی اور فضہ علی نے تحریر کیا ہے اور یہ فلم اگلے سال بڑی عید پر سنیما گھروں کی زینت بنے گی۔
اس سے پہلے نبیل اور فضہ کی جوڑی نے 2014 میں پہلی فلم ’نامعلوم افراد‘ بنائی تھی جس کے بعد 2016 میں ’فلم ایکٹر ان لاء‘ اور رواں سال تیسری فلم ’نامعلوم افراد 2‘ بنائی اور یہ تینوں فلمیں باکس آفس پر سپر ہٹ رہی ہیں۔
Urdu Khabrain