پاکستان اور فرانس کے درمیان توانائی کے شعبے میں معاہدہ طے پا گیا،دونوں ممالک کے درمیان تاریخی تعاون قائم ہے،فرانسیسی سفیر

https://goo.gl/r5Djhs
پاکستان اور فرانس کے درمیان توانائی کے شعبے میں معاہدہ طے پا گیا،دونوں ممالک کے درمیان تاریخی تعاون قائم ہے،فرانسیسی سفیر
اُردو آفیشل۔ حکومت پاکستان اور فرانسیسی ترقیاتی ادارہ (اے ایف ڈی) کے درمیان توانائی کے شعبہ کے منصوبوں بشمول پاور ٹرانسمیشن انہانسمنٹ انوسٹمنٹ اور منگلا پاور پلانٹ بحالی منصوبہ کی فنانسنگ سے متعلق 16کروڑ 50 لاکھ یورو کے آسان قرضے کا معاہدہ طے پا گیا ۔
تفصیلات کے مطابق پاکستان اور فرانس کے مابین توانائی کے شعبے میں16کروڑ 50لاکھ یورو کا معاہدہ ہوگیا ہے۔ سیکرٹری اقتصادی امور ڈویڑن شاہد محمود، پاکستان میں فرانسیسی سفیر مارٹین ڈورنس اور اے ایف ڈی کے کنٹری ڈائریکٹر جیکی امپرو نے معاہدہ پر دستخط کئے جبکہ وفاقی وزیر خزانہ سینیٹر اسحاق ڈار بھی اس موقع پر موجود تھے۔ اس موقع پر وزیر خزانہ اسحاق ڈار نے اظہار خیال کرتے ہوئے فرانسیسی ترقیاتی ادارہ (اے ایف ڈی) کی جانب سے پاکستان کی اقتصادی ترقی کیلئے مسلسل حمایت اور تعاون کو سراہا۔ فرانسیسی سفیر نے اس موقع پر کہا کہ فرانس اور پاکستان کے درمیان دیرینہ تاریخی تعاون قائم ہے۔ فرانس پاکستان کو مختلف شعبوں میں تعاون فراہم کرنے کا خواہاں ہے۔ اس موقع پر بتایا گیا کہ اس پروگرام کا مقصد توانائی کے شعبہ کو مزید رعایتی، قابل اعتماد اور پائیدار بنانا ہے جو نیشنل پاور پالیسی پر عملدرآمد کے ذریعے ملک کی اقتصادی نمو میں معاون ثابت ہو گا۔
Urdu Khabrain
Business Khabrain, Business News, Business Urdu News, Pakistan Business News, Pakistani News, Top Business News, Urdu Khabrain, Urdu News, UrduOfficialcom, Viral Business News, اور, بزنس, تاریخی, تعاون, توانائی, درمیان, سفیر, شعبے, طے, فرانس, قائم, معاہدہ, ممالک, میں, پا, پاکستان, کے, گیادونوں, ہےفرانسیسی