روس ترکی کو دنیا کا خطرناک ترین طیارہ شکن میزائل سسٹم فراہم کرے گا

https://goo.gl/DJuZLs
ترکی اورروس کے درمیان زمین سے فضا میں مارکرنےوالے دنیا کے خطرناک ایئر ڈیفنس سسٹم ایس 400 کی خریداری کا معاہدہ طے پاگیا ہے۔

غیر ملکی خبررساں ادارے کے مطابق ترکی کے دارالحکومت انقرہ میں ترکی اور روس کے درمیان زمین سے فضا میں مارکرنےوالے میزائل ’ایس400‘ دفاعی نظام کی خریداری سے متعلق سمجھوتے پر دستخط کردیے گئے ہیں، ترک حکام کا کہنا ہے کہ روس کے ساتھ فوجی تعلقات کو مزید مضبوط کرنےکےلئے اس معاہدے کو حتمی شکل دی گئی ہے۔

مبینہ طورپر ڈھائی ارب ڈالرمالیت کے اس معاہدے پر نیٹو اتحاد کو تشویش ہے،ترکی نیٹو اتحاد کا رکن ہے اور نیٹو معاہدے کے مطابق نیٹو میں شریک تمام اتحادی اپنے دفاعی سازوسامان اور اسلحہ کو دیگر اتحادیوں کےساتھ مشترکہ طور پر استعمال کے پابند ہوں گے جبکہ یہ ایس 400 میزائل سسٹم نیٹو کا حصہ نہیں ہے۔

معاہدے کے تحت روس ترکی کو ایس 400 میزائل سسٹم کی دو بیٹریز فراہم کرے گا جبکہ ترک فوج اس کو آزادانہ طورپراستعمال کرنے کا اختیار رکھتی ہے۔

واضح رہے کہ ترک صدر رجب طیب اردگان نے ستمبر میں اس ڈیل سے متعلق اور پیشگی ادائیگی کے بارے میں انکشاف کیا تھا۔
Urdu Khabrain
Pakistan World News, Pakistani News, Top World News, Urdu Khabrain, Urdu News, Viral World News, World Khabrain, World News, World Urdu News, انٹرنیشنل