تیاری بھرپور ہے کھلاڑی بھی فارم میں ہیں: مکی آرتھر

https://goo.gl/ViTMpv
پاکستان کرکٹ ٹیم کے کوچ مکی آرتھرکا کہنا ہے کہ تیاری بھرپور ہے کھلاڑی بھی فارم میں ہیں سیریز مشکل ہے مگر کھلاڑی اس کے لیے پوری طرح تیار ہیں۔

کوچ مکی آرتھر نے ٹیم کی تفصیلات بتاتے ہوئے کہا کہ فخرزمان، اظہرعلی، بابر اعظم، محمد حفیظ ،سرفرازاحمد، شعیب ملک، شاداب خان، فہیم اشرف، محمد عامر، حسن علی اور رومان رئیس ٹیم کاحصہ ہوں گے۔

مکی آرتھر نے مزید کہا کہ بارش کے باعث ٹیم انڈور سیشن کرے گی۔ نیوزی لینڈ الیون سے پریکٹس میچ سے ایک روز قبل نیلسن میں پاکستان کرکٹ ٹیم کا ٹریننگ سیشن بارش سے متاثرہو گیا۔

خیال رہے کہ پاکستان کرکٹ ٹیم نیوزی لینڈ کے دورے پر 5 ایک روزہ میچز جبکہ تین ٹی 20 میچز کی سیریز کھیلے گی جس کا پہلا ون ڈے میچ 6 جنوری کو کھیلا جائے گا، جبکہ دوسرے میچز 9 ،13، 16 اور 19 جنوری کو کھیلے جائیں گے۔

تین ٹی 20 میچز کی سیریز کا پہلا میچ 22 جنوری کو کھیلا جائے گا جبکہ دوسرے میچز 25 اور 28 جنوری کو کھیلے جائیں گے۔
Urdu Khabrain