عرب لیگ کا فلسطین کو تسلیم کرانے کیلئے سفارتی کوششیں شروع کرنے کا فیصلہ

https://goo.gl/pjLwyw
عرب لیگ نے مقبوضہ بیت المقدس کے حوالے سے فلسطینی ریاست تسلیم کرانے کیلئے سفارتی کوششیں شروع کرنے کا فیصلہ کرلیا۔

تفصیلات کےمطابق مقبوضہ القدس سے متعلق اردن کے دارالحکومت عمان میں عرب لیگ میں شامل 6 ممالک کے وزرائے خارجہ کااجلاس لیگ کے سیکریٹری جنرل احمد ابوالغیط کی زیرصدارت ہوا جس میں مصر،مراکش، سعودی عرب،یواے ای، فلسطین اوراردن کے وزرائے خارجہ نے شرکت کی۔

اردن کے وزیرخارجہ نے عرب لیگ کے سیکریٹری جنرل احمد ابوالغیط کے ہمراہ مشترکہ پریس کانفرنس سے خطاب کرتے ہوئے کہا ہے کہ فلسطینی ریاست کا دارالحکومت مشرقی بیت المقدس ہوگا، امریکی صدر کا فیصلہ عالمی قوانین کی خلاف ورزی ہے جبکہ سیکریٹری جنرل احمد ابو الغیط کا کہنا تھا کہ بیت المقدس کے حوالے سے امریکی فیصلے کی کوئی آئنی اور قانونی حیثیت نہیں ہے،فیصلے سے خطے میں تشدد بڑھےگا۔

اجلاس میں القدس کی حیثیت اور شناخت کی تبدیلی کے خلاف مزید مؤثر سفارتی اقدامات اپنانے پر اتفاق اور فلسطین کو ریاست تسلیم کرانے کیلئے مشترکہ سفارتی کوششیں تیز کرنے کا فیصلہ کیا گیا۔ اجلاس میں اس فیصلے پربھی اتفاق کیا گیا کہ خطے میں آزاد وخودمختار فلسطینی ریاست جس کا دار الحکومت القدس کے قیام کے بغیر امن کا قیام ناممکن ہے۔

خطے اور فلسطین کے حوالے سے آئندہ کا لائحہ عمل کے لئے سفارشات مرتب کردی گئی ہے اور ان سفارشات کو رواں ماہ کےاختتام میں ہونے والی عرب وزرائے خارجہ کے اجلاس کے سامنے پیش کیا جائیگا۔
Urdu Khabrain
Pakistan World News, Pakistani News, Top World News, Urdu Khabrain, Urdu News, Viral World News, World Khabrain, World News, World Urdu News, انٹرنیشنل