شریف مافیا نوجوان نسل کو اخلاقی طور پر تباہ کر رہا ہے، عمران خان

https://goo.gl/HYczY3

چیئرمین تحریک انصاف عمران خان نے ایک بار پھر سیاسی مخالفین کو تنقید کا نشانہ بناتے ہوئے کہا ہے کہ شریف مافیا نوجوان نسل کو اخلاقی طور پر تباہ کر رہا ہے۔

عمران خان نے سوشل میڈیا پر اپنے ٹوئٹ میں پنجاب حکومت کی جانب سے جاری ہیلتھ کارڈ کی تصویر شیئر کی اور ساتھ ہی لکھا کہ ایک نااہل شخص کی تصویر سرکاری ہیلتھ کارڈ پر جاری کرنا بہت ہی شرمناک ہے، دنیا کی کسی بھی جمہوریت میں ایسا عمل قابل قبول نہیں ہوتا۔

— Imran Khan (@ImranKhanPTI) January 20, 2018

 چیئرمین تحریک انصاف نے اپنے پیغام میں مزید لکھا کہ عوامی ٹیکس کے پیسے سے مجرموں کی تشہیر کی جا رہی ہے۔ انہوں نے لکھا کہ شریف مافیا نوجوان نسل کو اخلاقی طور پر تباہ کر رہا ہے اور ایسا تاثر دیا جا رہا ہے کہ کرپشن اور منی لانڈرنگ غلط چیز نہیں ہے۔

عمران خان کے بیان پر مریم نواز نے ردعمل دیتے ہوئے کہا کہ پہلے تو نواز شریف سے ڈرتا تھا لیکن ان نواز شریف کی تصویر سے بھی ڈرتا ہے۔ انہوں نے عمران خان کا نام لیے بغیر لکھا کہ تمھاری قسمت میں ڈرنا، رونا اور کڑھنا ہی لکھا ہے۔

خیال رہے کہ سابق وزیراعظم نواز شریف نے آج ہری پور میں جلسے سے خطاب کرتے ہوئے پاکستان تحریک انصاف کے چیئرمین عمران خان کو تنقید کا نشانہ بناتے ہوئے کہا تھا کہ نیا پاکستان بنانے والوں کے پاس کچھ بھی نہیں ہے اور قوم نے تین دن پہلے ان کی اوقات دیکھ لی ہے۔
Urdu Khabrain
Breaking Pakistani News, Daily Pakistan News, Online Pakistani News, Pakistan latest News, Pakistan News, Pakistan Urdu News, Pakistani Khabrain, Top Pakistani News, اخلاقی, تباہ, خان, رہا, شریف, طور, عمران, مافیا, نسل, نوجوان, پاکستان, پر, کر, کو, ہے