بڑے پروں کے باوجود الو میں خاموشی سے اڑنے کی حیرت انگیز صلاحیت

https://goo.gl/R9eQun
دن میں سونے اور رات میں جاگنے کے لیے مشہور الو کافی بے ضرر قسم کا پرندہ ہوتا ہے اور دنیا بھر میں اس کی بے شمار اقسام پائی جاتی ہیں۔ حال ہی میں کیے جانے والے ایک تجربے میں اس معصوم پرندے کی ایک اور خاصیت سامنے آئی ہے۔

ماہرین کا کہنا ہے کہ برن اول نامی الو جب ہوا میں اڑتا ہے تو دیگر پرندوں کے برعکس اس کے پروں کے پھڑپھڑانے یا اڑنے کی کوئی آواز پیدا نہیں ہوتی۔



اس تجربے کے لیے ماہرین نے ایک قطار میں مائیک نصب کیے اور ان کے اوپر الو سمیت دیگر جانوروں کو اڑایا۔ ماہرین نے دیکھا کہ کبوتر اور باز نے جب ان مائیکس کے اوپر پرواز کی تو ان کے اڑنے کی آواز بہت زیادہ تھی۔

اس کے مقابلے میں جب برن الو مائیکس کے اوپر سے اڑا تو بالکل کم نہ ہونے کے برابر آواز پیدا ہوئی۔



ماہرین کے مطابق الو کے پر بڑے ہوتے ہیں تاہم پروں کے مقابلے میں اس کا جسم چھوٹا ہوتا ہے یہی وجہ ہے کہ وہ اڑتے ہوئے کوئی آواز پیدا نہیں کرتا۔

ماہرین کا کہنا ہے کہ خاموشی سے اڑنے کی یہ صلاحیت الوؤں کی تقریباً تمام اقسام میں موجود ہوتی ہے۔


Urdu Khabrain
Pakistan Sci-Tech News, Pakistani News, Sci-Tech Khabrain, Sci-Tech News, Sci-Tech Urdu News, Urdu Khabrain, Urdu News, Viral Sci-Tech News, الو, انگیز, اڑنے, باوجود, بڑے, حیرت, خاموشی, سائنس و ٹیکنالوجی, سے, صلاحیت, میں, پروں, کی, کے