متحدہ عرب امارات نے غیر ملکی شہریوں کو اپنے ملک میں نوکری کے حصول کیلئے کریکٹر

https://goo.gl/KETaaw
ابوظہبی (نیو زڈیسک) متحدہ عرب امارات نے غیر ملکی شہریوں کو اپنے ملک میں نوکری کے حصول کیلئے کریکٹر (چال چلن) سرٹیفیکیٹ لازمی قرار دیدیا ہے۔غیر ملکی میڈیا کے مطابق یو اے ای میں نوکری کے خواہشمند کسی بھی غیر ملکی باشندے کو یہ سرٹیفیکیٹ اپنے ملک سے لینا ہو گا یا اس ملک سے لینا ہو گا جہاں وہ گزشتہ پانچ برسوں سےقیام پذیر

ہے۔اس کے علاوہ اس کو اپنے ملک میں قائم امارات کے سفارتخانہ یا وزارت برائے امورِ خارجہ سے تصدیق نامہ حاصل کرنا ہو گا۔متحدہ عرب امارات کی حکومت نے یہ شرط ملکی حفاظت کو بہتر بنانے کی کوششوں کے تحت رکھی ہے۔ اس شرط کے مطابق یو اے ای میں کام کرنے کے خواہشمند تمام درخواست دہندگان کو تصدیق نامہ دینا ہو گا، لیکن ان پر منحصر لوگوں کے لئے اس کی ضرورت نہیں ہو گی۔ اس کے علاوہ سیاحوں کو بھی اس تصدیق نامہ کی حاجت نہیں ہو گی۔ یہ درخواست نامہ حاصل کرنے کے لئے شرطوں کا خاص ذکر نہیں کیا گیا لیکن اس کو پولس یا مقامی انتظامیہ کے ذریعہ مہیا کرایا جانا چاہیے۔
Urdu Khabrain
Top World News, Urdu Khabrain, Urdu News, Viral World News, World Khabrain, World News, World Urdu News, انٹرنیشنل