بھارتی اداکار ارمان کوہلی کو اپنی دوست پر تشدد کے الزام میں گرفتار کرلیا گیا

https://is.gd/H17U2s
ممبئی: بھارتی اداکار ارمان کوہلی کو اپنی دوست نیرو رندھاوا پر تشدد کے الزام میں گرفتار کرلیا گیا۔

بھارتی میڈیا کے مطابق بگ باس سے شہرت پانے والے بھارتی اداکار ارمان کوہلی کو اپنی دوست نیرو رندھاوا پر تشدد کے الزام میں گرفتار کرلیا گیا ہے۔

نیرو رندھاوا کے مطابق ارمان کی جانب سے انہیں پہلی بار تشدد کا نشانہ نہیں بنایا گیا اس سے قبل ان کے درمیان لڑائی جھگڑے ہوتے رہے ہیں، نیرو رندھاوا اور ارمان 2015 سے ایک ساتھ رہائش پذیر ہیں۔

Actor Armaan Kohli arrested by #Mumbai Police, he is accused of assaulting his girlfriend Neeru Randhawa. (File Pic) pic.twitter.com/wc4NOFIHTG

— ANI (@ANI) June 12, 2018

نیرو کے مطابق جب ارمان نے ان پر تشدد کیا گیا وہ اپنے ڈرائیور کے ذریعے قریبی اسپتال پہنچیں اور اسپتال انتظامیہ کی جانب سے پولیس کو واقعے کی اطلاع دی گئی۔

واضح رہے کہ اداکار ارمان کوہلی نے 2013 میں مقبول ٹی وی شو بگ باس میں شرکت کی تھی جہاں ان کے اور تنیشا مکرجی کی دوستی کے چرچے عام تھے۔

اداکار آخری بار سلور اسکرین پر سلمان خان اور سونم کپور کی کامیاب فلم پریم رتن دھن پایو میں نظر آئے تھے، 90 کی دہائی میں ارمان متعدد بالی فلموں میں اداکاری کے جوہر دکھا چکے ہیں جن میں قہر، اولاد کے دشمن، ویرود، جانی دشمن، دشمن زمانہ ودیگر شامل ہیں۔
Urdu Khabrain
Pakistan Showbiz News, Pakistani News, Showbiz Khabrain, Showbiz News, Showbiz Urdu News, Top Showbiz News, Urdu Khabrain, Urdu News, Viral Showbiz News, اداکار, ارمان, الزام, اپنی, بھارتی, تشدد, دوست, شوبز, میں, پر, کرلیا, کو, کوہلی, کے, گرفتار, گیا