جاندار کردار والی فلم کی پیشکش ہوئی تو ضرور کروں گی:نیلم منیر

https://is.gd/nRyfH2
لاہور(اے این این ) اداکارہ وماڈل نیلم منیر نے کہاہے کہ اگر مستقبل میں اچھے موضوع اورجاندارکرداروالی فلم میں کام کی پیشکش ہوئی توضرورکام کروں گی۔

تفصیلات کے مطابق میڈیا سے گفتگوکرتے ہوئے نیلم منیر کا کہناتھا کہ جب میں نے اپنے کیرئیر کی پہلی فلم سائن کی تواس کی شوٹنگ کے دوران ساتھی اداکار احسن خان کے ساتھ کام کرنے کا تجربہ بہت اچھا رہا، شروع شروع میں ہمیں کچھ دشواری ہوئی لیکن پھراحسن خان جومیرے سینئرہیں اورتجربہ کاربھی، انھوں نے میری بہت رہنمائی کی۔ اسی لیے فلم میں میری پرفارمنس کوبہت سراہا گیا۔انہوں نے کہاکہ جن لوگوں نے فلم کودیکھا ، ان کی طرف سے ملنے والا رسپانس میرے لیے اعزاز سے کم نہیں ہے۔ اس وقت ہمارے پاس پڑھے لکھے فلم میکرز کی بڑی تعداد موجود ہے،یہ تمام لوگ بڑی محنت اورلگن کے ساتھ فلمیں پروڈیوس کرنے میں لگے ہیں۔ ایسے میں اگریہ لوگ صرف اچھے اور منفرد موضوعات پرفلمیں بنائیں توہمارے سینما گھروں کی ویرانیاں کم ہوسکتی ہیں۔
Urdu Khabrain